上星期二，三，四係姊妹美容展，行左三日，對腳好似唔係自己咁，每晚回家都要自己用物理治療儀器去幫自己，咁第二日先有力再行。所以，好多客人要黎我度做物理治療和Facial,全部都安排晒喺星期五，六，日喇！
15/5原本只係約左一個appointment,係一個學生，原本見到佢只係得幾粒暗瘡仔，諗住會冇乜野搞啫，好快搞掂，點不好衰唔衰我買左個冷光放大燈，可以將皮膚放大十陪的，我一定會用佢黎睇真啲皮膚有咩問題啦！雖然呢支燈次次睇完都會暈暈地，十分疲倦，但為左要徹底清潔，將暗粒們消滅，辛苦啲都要架喇！唔睇由自可，一睇原來唔係咁簡單！佢之前話比我知，佢係用卸妝膏的，溶左就變油黎落妝，我問佢有冇起油脂粒，佢話用左咁耐都冇，點知我用呢個"照妖鏡"一睇，真係嚇死我！！！全面都係油脂粒，好多黑頭走米都係塞住毛孔，不但只毛孔粗大，而每一個毛孔都係油脂黎，塞住每一個毛孔，最後，我淨係幫佢清呢啲咁嘅野，搞左個幾鐘，成個Facial做左我四個鐘，真係十分疲勞！佢走果陣當然靚返好多啦！原來佢係第一次做Facial,比佢搵到我，佢真係好彩，如果去第二度做呢個Facial,應該個多小時就做完架喇，有咩可能清野都清個幾鐘吖！ 我就係咁衰，見到唔做個心就囉囉攣，佢仲帶埋錢黎買產品返去用，咁鬼有心，又咁山長水遠黎搵我，我就收左400大元當學生優惠啦！等佢有多啲budget買野用嘛！唉！我令願收平啲，都想你哋用得好，唔好慳住用，用唔到效果仲嘥錢啦！最後佢用2000蚊都買左好多野走！我就好鬼眼瞓……呢個時候，收到一個message話想做Facial, 佢話搭的士黎，我見佢咁有誠意，啲時間又就到，咁就唔睇武眉娘，早啲食飯啦！
佢黎到，我見到佢係一個靚女黎， 但皮膚就真係差左啲喇！ 佢嘅皮膚問題係皮膚不均，毛孔粗大，黑眼圈眼袋， 色班，鬆弛，暗瘡暗粒多，仲要平時唔係好護理果隻，咁你都估到有幾難搞啦！但佢八點幾黎到，最初話十點要走，即係得一個多小時要做晒，咁真係做唔到幾多野喎！我問佢最想改善乜嘢問題先，等我針對性幫你解決左果個問題先，因為唔夠時間嘛！ 佢話想V面！！ 當然其他問題都想解決埋啦！如果出面做Facial, 要解決晒呢啲問題，應該要黎5-6次，先會明顯見到好大分別，當然仲要好貴啦！但我呢度，好明顯唔係做生意嘅，否則點會幾佰蚊做幾個鐘吖！ 我同靚女講，如果你可以唔趕住走，比多啲時間我，我包你走嘅時候好似去咗轉韓國咁，包你男朋友話你唔同左！！你唔使理我用什麼儀器和產品，總之幫到你嘅野我就會用，都係收五佰幾啫，我幫你做乜都唔會加錢，可以好放心交比我架喇！
我幫佢用儀器洗面，同時做埋深層清潔和去暗啞美白等，洗完面已經十分乾淨和光澤，白到你唔信！之後，又係用"照妖鏡"黎清粒粒，佢又係每一個毛孔都係油脂，所以毛孔咁粗大，我幫佢好慢咁清，為左唔想清完有痕，所以，清嘅時候唔痛，走嘅時候好似冇清過咁。清完就即係敷返個消炎面膜啦，為左效果好啲，我幫佢用條"神奇隧道" ，做完成塊面緊晒！ 洗面後再用納米微針嘅神奇動力水按摩，令到佢嘅皮膚白滑，當然幫佢通埋淋巴啦！之後仲要用納米微針嘅三重精華打底，再敷Avantia嘅303光澤平衡面膜，原本要敷20-30分鐘，但要快啲有效果，我又再用條"隧道"黎罩著佢，十分鐘就搞掂晒！抹乾淨後乜都未搽，佢已經見到自己啲毛孔冇晒咁，靚到自己都差啲認唔到自己！！！ 走嘅時候，當然買咗好多野啦！好彩我為左方便大家，走去開左個HSBC戶口，比客人買完野可以即時電話轉數就得喇！都係十分方便嘅！總之，你們如果想黎我度做Facial, 最好可以預多啲時間比我慢慢幫你做，因為可能有好多問題要慢慢搞，先會靚架，如果要求其做，就唔好黎搵我喇！因為我係唔會求其架，我都有要求架嘛！ 我每日唔會接好多個客嘅，因為每個客都要好用心，好用神去做，做完你就會好靚好開心咁走，我就會好累好累架喇！我都唔想搞到自己咁辛苦，我只係希望做完你哋好開心，我就好開心架喇！
做完第二日，靚女話啲面色好正，好滑，好吸收，最緊要係佢好開心嘛！所以要勤力用產品，唔好嘥我一番心機呀！
我都話佢男朋友會話佢唔同左架啦！因為啲男人好多時就算你電左髮佢都會睇唔到架！ 但係，今次男朋友主動話佢唔同左。靚女問佢有咩唔同？ 佢話靚左！！！咁咪乜都底返晒啦！！！！
如何成為2015年VIP會員? Vip有什麼優惠？
讚好粉絲專頁，攞VIP會員優惠:
歡迎預約做Facial : 6628 4883 (Mon~sun 11:00 - 11:00)
元朗錦田吉慶圍 (蔡菜館對面 or錦田 紅磚屋斜對面)
沒有留言:
張貼留言