不停生暗瘡急救法~"泥+寶 超work

12/8/2015 呢個女仔黎做FACIAL,因為佢就黎結婚，想搞返好塊面，靚靚咁結婚。呢個當然冇問題啦！因為係我嘅強項！！ 好多客人最初都淨係喺我度買野返去用，但我覺得唔係就咁"你肯買，我就賣"咁就算，我真心希望幫到每一個客人真真正正咁解決問題。 因為我幫咁多客人做FACIAL和皮膚分析，好大部分都係用錯產品引致嘅！當發現自己嘅問題越來越嚴重，就會瘋狂咁四圍買野黎試，乜嘢都去試一餐，無論價錢貴定平，總之人地寫話好，佢就會去試。但我唔喜歡用呢個方式賣野，因為，客戶可能買左啲佢唔啱用嘅產品返去，到時就嘥錢嘥時間喇！ 所以，我反而喜歡客人問得清清楚楚，啲產品係咪真係啱自己嘅皮膚問題，係咪真係幫到。我做過好多case,啲客係咪都買返去，用左幾次發覺唔work,又放左喺度，所以，我會建議大家，就算要喺網上購物，最好搵啲有人可以跟進你個案嘅店幫襯，因為用嘅過程可能有唔明或者用唔到所講既效果，都有人比你問下，係咪用錯方法，而唔係買完就算。

我鐘意幫人幫得好徹底，唔鐘意你買完呢樣，你用唔到效果，就話係你皮膚嘅問題。我覺得凡事都有解決嘅方法，只係你肯唔肯花時間去諗啫！
好似呢個客人，佢原本只係想買一支AHA LOTION,但因為有好多客人買左呢個產品，都係用錯方法，搞到皮膚好敏感，泛紅等，所以要小心使用。

 

 

 

 

 

呢個客人用嘅產品都係網店購買，唔知有冇人跟進的，因為佢啲暗瘡問題已經持續左一年多了！
有好多暗瘡暗粒，黑頭走米，係要清出嚟先會好，自己無啦啦唔會好返架！ 佢過去年幾，冇一日係唔爆瘡架，咁可憐，點忍心唔幫佢呢！

第一次我幫佢清晒啲暗瘡暗粒出來，佢嘅問題係落妝唔乾淨，引致毛孔閉塞，千萬不要用卸妝油，死梗！！！ 我做咁多客，十個用油卸妝嘅，十個都係呢啲問題，冇得走！！

第二次黎之前，佢影比我，話果啲暗瘡好興奮咁，齊齊爆！！！ 好傷心呢！！ 呢次我諗左一晚，用咩方法幫佢最有效呢！ 最後，我決定用"泥+寶"療法~摩爾泥+睡寶寶療法。

 

 

 

網上都有人教用"泥+寶"點用，但好多客人話我知冇料到！！ 我問佢哋點用法，佢哋就係將呢兩樣野mix一齊黎敷！！！ HELP !!! 唔係咁用架！！ 請大家睇下面嘅相，呢個用法超掂。我幫果啲嚴重暗瘡客，都係用呢個方法，全部做完都得，自己屋企做仲好，因為敷完泥可以去沖涼，一次過洗晒去，唔使煩，慢慢抹！！

 

27/8/2015佢話我知，做完"泥+寶"之後，已經連續四日冇爆瘡喇！好感動呀！！！ 佢話已經有一年幾未試過有一日係唔爆瘡架！到尋日7/9/2015再黎做FACIAL,前後三個星期，都冇爆瘡，淨返啲印咋！！ 所以，如果你都有同樣嘅暗瘡問題，不防試下呢個方法，或者真接約我，詳細教你點做。

 

多謝各位客人在Facebook留下的評論，咁係對我好大嘅支持，
各位如果黎過都覺得好嘅，除咗LIKE我粉絲專頁外，都可以咁樣支持我，
我會十分感激你，錫晒你的！！！

P.S. 如果你哋真係我嘅粉絲，真係支持我嘅，就幫我叫多啲美男美女，LIKE我粉絲專頁啦！唔該晒！

快啲CLIK入黎LIKE我啦!https://m.facebook.com/profile.php?id=1521954708076075

如有護膚和美容的問題，可以whaysapp / wechat
6628 4883我會盡量解答你嘅問題嘅！
歡迎預約做Facial, 單次付款，不開療程，希望幫到你啦!

健康生活治療中心
新界錦上路吉慶圍(蔡菜館對面 或 錦田紅磚屋斜對面)