熱能氣化儀分享

今日親眼睇住老師操機，幫一位同學仔的微絲血管好容易就消滅左！！！嘩！！！神付奇技！！！想當年，我去DR 美容集團，用左$3××××做左六次彩光，想脫一粒墨屎和鼻上以前比啲無良美容師吱到成個鼻都係嘅紅血絲，最後，唔單止粒墨原封不動，啲紅血絲到而家仲跟著我走過好多個年頭！！！所以呢！！！科技係日新月異嘅！
老師三兩下手勢就搞掂左，都未有機會影事後相，啲同學就急不及待地叫老師幫佢做其他黑頭粉刺大孖瘡等。呢位同學真係著數，唔使錢就有大師父幫佢做左咁多粒瘡瘡，不過，呢位同學真係成面都係！！！我估，呢個課程完結時，就算每日都係佢做model,都未必做得晒！！！我淨係影左大孖瘡嘅事前事後相比大家睇下！

大家可以睇到，粒大孖瘡成粒乾晒！！！呢粒瘡真係做左好耐，老師將瘡裏面嘅膿血等都吸左出黎，真係吸極都有架！呢粒瘡嘅size係11-15mm, 睇返收費表，每粒要收$1500，我自己都覺得幾貴囉！但佢嘅好處係快靚正，唔會返發，做嘅過程中，一路將粒瘡氣化左，乾晒就自然好返啦！出面好多時針清完可能都未必清得晒，又會再發炎，又生過，再搞唔掂可能會變石頭瘡！！！而且，針清傷口大好多，用嘅時間長好多，效果當然冇咁正啦！一次過夠掂晒喎！傷口仲要即時埋口，過幾日睇下可否影到相比大家睇下康復成點先！