5小時神級Facial~健康生活治療中心

每個客人喺我度買完產品，我都會寫比你哋每一個產品嘅使用次序和用法，而每一個客人買左啲乜，我都會記錄底，因為，我覺得有一日客人突然皮膚遇到問題，咁我就可以跟據客人手上有嘅產品，去幫客戶即時解決問題。 5月26日有位新客特登黎我度買野試產品，買左成個鐘添！因為佢未用過Avantia呢條line， 所以我就逐一講解和試比佢睇，教佢點用先最好，所以，佢係可以用卸妝水起到泡的！！
當日我用"照妖鏡"睇下佢嘅皮膚，真係唔好意思咁講，係污糟得好嚴重果隻，可以話佢成個額頭都係有膿嘅黑頭， 而面上嘅油脂和走米粉刺當然唔會少啦！我就介紹左下面呢啲產品比佢用。佢用左兩個星期左右，今日過來做FACIAL, 原來佢人生係第一次出嚟做FACIAL, 當然，原來佢上網睇左好多，又問左啲朋友仔喺我度做FACIAL係點，先至決定黎搵我做FACIAL。 

我今日淨係約左佢一個，所以可以做得徹底啲。首先，我用儀器幫佢洗面，唔係普通洗面咁簡單，洗完塊面除咗白淨和乾淨左，膚色都會均勻啲，細緻啲，喺度做過FACIAL嘅客一定知道係咩感覺！跟住用照妖鏡一睇，佢啲暗粒和粉刺真係唔講得笑，唔係咁易清到出嚟，我就用最近嘅新寵Heating Mask幫佢軟化左，洗完個mask果啲黑頭粉刺一支支咁突出嚟，但係用針都好難清出嚟，因為如果太大力，佢啲皮膚好易傷，咁清完都會有印，所以唔可以夾硬嚟！我用左好多唔同工具，連夾都用埋，將果啲一支支嘅野夾出嚟！嘩！係咁一粒一粒咁夾，客人當然唔會痛，但我當然好累啦！當我把它們都拿出來的時間，就見到一個又一個好大的洞！！！毛孔粗大由此起！！！ 呢個情況，一定要即刻搽蘆薈消炎tonic, 仲可以即時舒緩皮膚嘅紅腫添！睇住啲傷口即刻收，客人又舒服，真係正！！不知不覺，原來佢上午11:00黎，我清完果陣已經係下午兩點！！！噢噢噢！！！清左幾個鐘！！！因為呢個客啲皮膚好易紅腫，所以要慢慢做，輕力做，一定唔可以大力，否則就會腫晒！ 清完晒，首先用Avantia嘅 Bio-Elements Complex 12 細胞修復礦物12   一層一層咁搽上去，你即時可以睇到啲傷口又再收了，再用蘆薈消炎啫喱導入，等啲傷口快啲埋口和消腫。之後，我用左 美國 Skin Perfection 嘅草本面膜，係適合任何皮膚，特別適合敏感及油性皮膚，降紅消炎真係一流，敷完連小小腫都冇，淨左啲啲暗瘡印，呢啲一兩日就退架喇！走嘅時候，原來玩左五小時……最後承惠$5××。 好多人都話我收得太平，做咁鬼耐。但我唔係咁睇！！ 我唔收貴，係想多啲人可以都負擔得到，唔做吓吓要幾千蚊先做到個似樣啲嘅FACIAL。另外，黎得搵我即係信我，我當然要盡我所能去做好佢啦！睇到而唔做，個心硬係唔舒服咁，除非客人冇時間 ，否則，我一定會做到好先肯收手的！！！ 所以，如果你想做神級FACIAL,千萬唔好趕時間，咁就包你靚靚咁走喇！

快啲CLIK入黎LIKE我啦!

https://m.facebook.com/profile.php?id=1521954708076075

如有護膚和美容的問題，可以whaysapp / wechat 
6628 4883,我會盡量解答你嘅問題嘅！希望幫到你啦!

健康生活治療中心

新界錦上路吉慶圍(蔡菜館對面 或 錦田紅磚屋斜對面)